Предводникот на Милан за Златан Ибрахимовиќ вели дека е како „лав во кафез“, иако Жиру беше човекот кој до реши саботното дерби со Интер.
„Росонерите“ играат против Лацио утревечер во рамки на четвртфиналето од Копа Италија, но Ибра поради повреда на Ахиловата пета нема да истрча на тревата на „Меаца“.
„Златан е како лав во кавез. Има мотивација и амбиција да му помогне на тимот на теренот и се надева дека брзо ќе се врати во игра. Нема да ни биде на располагање утре, а за понатаму ќе видиме“, рече Пиоли говорејќи за Sportmediaset.
„Оливје на теренот покажува дека вреди и го прави она што се бара од него. Тој е одличен фудбалер и човек. Силен е и на тимот му дава клучна помош“.
Во однос на утрешната пресметка со Лацио, Пиоли рече: „Имаат многу добар тренер и квалитетни играчи. Нивниот офанзивен арсенал е импресивен со еден Луис Алберто, Милинковиќ-Савиќ, Имобиле, Ѕакањи, Фелипе Андерсон и Педро. Високо ниво. Ќе треба да бидеме фокусирани и добро да се браниме обидувајќи се притоа да ја пронајдеме вистинската можност за да им направиме проблем“.