Иако Јуве славеше со 4:1 на гостувањето во Унгарија, тренерот Андреа Пирло има многу забелешки во однос на себичноста на играчите.
Јувентус постигна 4 голови синоќа во мрежата на Ференцварош во натпревар од 3. коло во Лигата на шампиони, но стратегот Пирло смета дека неговите играчи требало порано да ја обезбедат победата со оглед на шансите кои ги имаат. Вториот третиот и четвртиот гол ги постигнаа во последните половина час.
„Задоволни сме од резултатот, но можевме да одиграме далеку подобро. Направивме многу грешки поради самоволие, мораме тоа да го средиме“, истакна Пирло.
„Многу зборувам со моите играчи, но тие ги носат одлуките кога се долу на теренот. Требаше да бидам многу понесебични и порано да го решат натпреварот“.
Синоќа во нападот Пирло стартуваше со триото Кристијано Роналдо, Алваро Мората и Федерико Кјеза, а во вториот дел на местото на Мората и Кјеза во игра влегоа Пауло Дибала и Федерико Бернардески.
„До сега, никој од напаѓчите не е 100 посто во форма, па нормално е да ги ротирам и некој да оставам на клупа“, вели тој.
