Легендарниот италијански фудбалер Андреа Пирло верува дека Јувентус може да ја исфрли Барселона во четвртфиналето од Лигата на шампиони.
Јувентус и Барселона играа во финалето на ЛШ во 2015 година, а тоа исто така беше последен натпревар на Пирло во дресот на „Старата дама“.
Каталонците победија со 3:1 во Берлин, а потоа Пирло отиде да игра во САД.
Меѓутоа, тој смета дека овојпат ќе биде поинаку.
„Ова ќе биде поинакво натпревар од тој што го игравме пред две години. Јувентус се смени, а Барселона исто така. Освен тоа, сега не се работи за финале, имаме два натпревари у вкупно 180 минути. Верувам дека ќе гледаме добар фудбал“, рече Пирло.
Тој смета дека Јуве има одличен тим кој може да ја елиминира Барселона.
„Јуве има многу јака екипа, а ако сакате да стигнете до финалето, мора да играте против најдобрите. Сметам дека Јуве не го гради сега тимот, тие веќе имаат одлични играчи и сега се обидуваат да го најдат вистинскиот баланс со четири напаѓачи. Овој Јувентус има сила да ја исфрли Барселона“, беше дециден Пирло.
