Јувентус го победи Интер со 2: 1 како гостин во првиот полуфинален натпревар од Купот на Италија, а освен двата гола на Кристијано Роналдо, португалскиот ас го привлече вниманието со реакцијата кога беше заменет во 75-тата минута.
Најдобриот фудбалер на „Старата дама“ можеби сакаше да оди на хет-трик и не беше задоволен од одлуката на Андреа Пирло да го замени, а тренерот на Јувентус по натпреварот објасни зошто се решил на тоа.
„Нормално е дека сакате да продолжите да играте на ваков натпревар, но исто така мора да размислуваме и за шампионатот. Имаме важен натпревар против Рома во сабота и беше правилно да го извадам од игра тогаш“, одговори Пирло на прашањето дали Роналдо мора да игра цело време.
„Никаде не пишува дека не може да се замени. Тој знае дека тоа е потребно, но понекогаш може и да се одмори. Што му реков за време на измената? Дека мораше да замине затоа што оваа сабота играме важен натпревар. Тој игра многу натпревари по ред и му треба да здивне“, објасни тренерот на италијанскиот шампион.
Феноменалниот Португалец оваа сезона одигра 23 натпревари за Јувентус во сите натпреварувања и постигна 22 погодоци.
