Крис Еванс викендов случајно објави гола фотка на Instagram Story. Селфито на кое актерот беше „пиштол гол“ набрзо беше избришано.
Ова не е прв случај во кој разголена или прилично гола фотка на славна личност случајно или намерно завршила во јавност, но Капетан Америка не го коментираше гафот сѐ до денеска.
Еванс (39) го искористи фактот дека сите зборуваат за него и чекаат како ќе изреагира на социјалните мрежи, па го претвори скандалот во политичка кампања. Актерот на Twitter напиша:
„Штом го имам вашето внимание... ГЛАСАЈТЕ на 3 ноември!!!“
Неговиот колега од франшизата Avengers Марк Рафало му изрази поддршка за „инцидентот“ со голото селфи и му напиша дека во споредба со работите што ги прави Доналд Трамп, ваквите фотки не се толку лоши.
Некои други славни и јавни личности исто така го поддржаа Еванс и во сличен дух твитаа: „Голи фотки тука!“ и споделуваа линкови до Vote Save America.
Покрај овој (не)намерен потег што Еванс го сврти во насока на претстојните претседателски избори во САД, актерот и претходно се изјаснил дека славните личности треба да ја користат популарноста на социјалните мрежи за кревање свест на теми од јавна корист.
„Мора да ја користите вашата платформа за нешто повеќе од ретвитање“, рече Еванс.