Оваа пита со тиквички е сезонска, многу сочна и лесна за подготовка. Можете веднаш да ја направите.
Потребни состојки:
- 2 јајца
- 1 лажица скроб
- 2 лажици интегрално пченично брашно
- 1-2 лажици маслиново масло
- 2 тиквички со средна големина
- 1 грст копар
- 2-3 гранчиња млад кромид
- 30-40 грама кашкавал
- сол
- зачини по вкус
Подготовка:
Прво погрижете се копарот да е ситно исечкан. Ситно исечкајте го и младиот кромид, а кашкавалот изрендајте го.
Тиквичките исечкајте ги на ленти, посолете ги, оставете ги малку да отстојат и исцедете го сокот. Потоа добро измешајте ги сите состојки и ставете ги во сад за печење.
Печете на 180°C околу 20 до 25 минути. Кога ќе биде речиси испечено, можете да го додадете кашкавалот преку питата. Извадете ја од рерна, исечете ја и уживајте.
