Ѕвездите на серијата „Game of Thrones“, Питер Динклиџ и Џејсон Момоа ќе глумат заедно во новиот хорор филм „Good Bad & Undead“.
Динклиџ го глумеше ликот на Тирион Ланистер, а Момоа ликот на Кал Дрого во мегапопуларната серија на HBO, „Game of Thrones“.
Динклиџ ќе го глуми Ван Хелсинг, ловецот на вампири. Тој ќе се спријатели со вампирот(Момоа) кој се заколнал дека нема повеќе да убива.
Динклиџ има многу улоги во последно време, ќе се појави во филмовите „The Thicket“, „Brothers“ и во анимираниот филм „The Croods 2“ кој во кината пристигнува на 23 декември, пишува Metro.
