Англискиот напаѓач Питер Крауч влезе во Гинисовата книга на рекорди како играч кој постигнал најмногу погодоци со глава во англиската Премиер лига.
Крауч од 2002 година па до сега запиша вкупно 51 погодоци со глава во најелитното англиско натпреварување и со тоа успеа да го сруши рекордот кој го држеше Алан Ширер со 46 погодоци постигнати со глава.
„Се чувствувам одлично. Да се држи рекорд во Премиер лигата е одлично. Многу сум горд“, изјави Крауч, кој ја откри и тајната на неговиот успех.
„Денес напаѓачите бегаат од шестнаесетникот и тоа не можам никако да го сфатам. Ако си напаѓач, твоето место е во казнениот простор и секогаш треба да очекуваш топка. Така се навикнав да играм цел живот“, вели Крауч.
Во 436 натпревари во Премиер лигата тој забележа вкупно 105 погодоци, а за репрезентацијата на Англија во 42 настапи запиша 22 погодоци.