Миралем Пјаниќ летово повторно ќе ја напушти Барселона со која е под договор на уште две години, но и Бешикташ каде настапува како позајмица.
Кариерата во Серија А би можело да ја продолжи како член на Наполи кој покажува интерес да го доведе, пренесуваат дел од шпанските медиуми.
Пјаниќ оваа сезона одигра 26 натпревари за турскиот клуб и асистираше 4 пати во 1.867 минути игра. Не се наметна како лидер, ниту пак успеа да го одигра квалитетот на фудбалот што го играше пред неколку години.
Пјаниќ својот најдобар фудбал во кариерата го одигра во Италија, во дресот на Јувентус кој го носеше откако се истакна за Рома. Со 9 сезони искуство играјќи во Италија тој е пред својата десетта, но во трет клупски дрес таму.
Таму треба да стигне на нова позајмица од Барселона каде Чави Ернандес не смета на него.