Прототип моделот LaFerrari доби свој нов сопственик на аукцијата организирана од страна на аукциската куќа RM Sotheby’s, но тој нема да може да го користи овој автомобил во јавниот сообраќај.
Последниот топ модел на Ferrari, LaFerrari, се појави во 2013 година и многу бргу беше распродаден, во однос на тоа дека производството беше ограничено на само 499 единици.
Овој автомобил прв пат бил произведен во 2012 година и е дел од неколкуте пред- продукциски примероци. Овој модел е и еден од првите LaFerrari направен во Маранел, а компанијата го користеше на ексклузивни затворени презентации за купци, организирани во 2013 година.
Неодамна, за прв пат беше понуден на продажба, а Ferrari од идниот газда побарал да потпише дека е запознат со тоа дека ова возило е наменето само за изложба, а не и за возење, во однос на тоа дека никогаш не му била извршена хомологација.
Инаку, цената од 2,1 милиони евра е значително поголема од онаа по која во продажба бил продаван продукцискиот LaFerrari, а почетната цена изнесувала 1.2 милиони евра.