Платини и Блатер ослободени од обвиненијата за измама и фалсификување

Швајцарскиот вонреден апелационен суд во Мутенц повторно ги ослободи поранешниот претседател на Европската фудбалска асоцијација (УЕФА) Мишел Платини и поранешниот претседател на Меѓународната фудбалска асоцијација (ФИФА) Зеп Блатер од обвиненијата за измама, фалсификување, лошо управување и проневера на повеќе од 2 милиона долара од парите на ФИФА во 2011 година.

Блатер и Платини по втор пат беа ослободени од обвинението во второто судење за финансиска измама. AP пренесува дека Блатер, кој сега има 89 години, не реагирал многу додека ја слушал пресудата од тројца кантонски судии кои дејствувале како федерален кривичен апелационен суд.

На 6 март, судот во Швајцарија ги ослободи Платини и Блатер по втор пат во прв степен од обвиненијата во случајот со сомнителни плаќања со кои им беше забрането да работат во фудбалот.

AP потсетува дека швајцарскиот државен обвинител ја оспорил првичната ослободителна пресуда во јули 2022 година и побарал затворски казни за Блатер и Платини од 20 месеци, условно на 2 години.

Сепак, судот во Мутенц денеска ја потврди првостепената пресуда и ги ослободи поранешните претседатели на УЕФА и ФИФА. Наводите се однесуваат на исплатата на Блатер од 2 милиона долара на Платини.

Тие тврдеа дека постигнале вербален договор да му платат на Платини за недоговорена работа што го советувал Блатер за време на неговиот прв претседателски мандат од 1998 до 2002 година.