Неколку плажи во Сиднеј се затворени откако едно лице загина во напад од ајкула, што е прва таква смрт на градските плажи во последните 60 години.
Поставени се мамки за ајкули во близина на местото на нападот, додека со дронови се испитува дали ајкулата уште е во тоа подрачје.
Властите соопштија дека нападот се слушил на плажата Литл Беј, околу 15 км јужно од Сиднеј. Полицијата се уште не го откри идентитетот на загинатиот.
„Ова е голем шок за нашата заедница“,изјави градоначалникот Дилан Паркер за Reuters. „Нашиот брег е наш двор и трагичната смрт под такви ужасни околности е целосно шокантна“, изјави тој.
Биолозите од Одделот за примарна индустрија на Нов Јужен Велс веруваат дека ајкула долга најмалку 3 метри веројатно е одговорна за нападот, судејќи според снимка направена од местото на настанот. Ова е прв смртоносен напад на ајкула во Сиднеј од 1963 година, покажаа податоците.
Властите издадоа наредба да не се влегува во вода, и покрај високите температури.
„Неколку луди сурфери се уште ризикуваат но повеќето луѓе се внимателни и не влегуваме да се капеме додека ајкулите не си заминат“, изјави за Reuters локалната жителка Карен Ромалис.