Чилеанскиот ас изненадувачки одлучил да се врати во Удинезе откако стана слободен играч по престанокот на договорот со Интер.
Sky Sport Italia пренесува дека 35-годишниот Чилеанец летово во своите редови сакаа да го видат француските клубови Олимпик од Марсеј и Лил, но трансфер експертот Џанлука Ди Марцио вели дека самиот тој одлучил да се врати во Удинезе.
Санчес со тимот од Удине потпиша во 2006 година, но се пресели во 2008 и за 3 сезони стана миленик на навивачите, но одличните игри направија и да добие куп понуди. Така, летото 2011 година беше продаден во Барселона за 26 милиони евра. Тоа беше првиот од неколкуте големи трансфери бидејќи следуваа преселби во Арсенал, Манчестер Јунајтед, па враќање на Чизмата во 2019 во редовите на Интер.
#Calciomercato | #Udinese, in mattinata #Sanchez ha chiamato la dirigenza bianconera per confermare la sua volontà: non resta che limare gli ultimi dettagli contrattualihttps://t.co/ZWfPt08luU
— Gianluca Di Marzio (@DiMarzio) August 5, 2024
Во трите сезони за „Бјанконерите“ од Удине одигра 112 натпревари во сите натпреварувања на кои постигна 21 гол и асистираше 20 пати.
Чилеанскиот репрезентативец минатата сезона покажа дека и натаму може да допринесува на високо ниво, каде иако резервист постигна 4 гола и намести, 5 помагајќи му на Интер да стигне до Скудетото.
За Чиле играше на овогодишната Копа Америка, која му беше вкупно петта. Има 166 натпревари за Чилеанците и 51 гол.
