Цели 19 сезони, со повеќе од 3.200 епизоди, шоуто на Елен Деџенерис ги забавуваше Американците. Рушејќи стереотипи и пречекувајќи ги најголемите ѕвезди во САД, на шоуто му дојде крај по скоро две децении.
Во емисијата на Елен гостуваа најголемите холивудски ѕвезди, прва гостинка беше актерката Џенифер Анистон, која и денес ќе се појави во последната епизода.
Крајот доаѓа откако водителката објасни дека истото повеќе не претставува предизвик, но многумина сметаат дека вистинските причини се „токсичната работна атмосфера“ на сетот, вклучувајќи и сексуално вознемирување, малтретирање и расизам.
Претходно, продуцентите на шоуто изјавија дека средината во која се снима емисијата е „лоша“. Шеесет и четиригодишната Елен не е директно обвинета, но многумина замеруваат што дозволила таквото однесување да постои во нејзиниот тим.