Сан Антонио Спарс и По Гасол најдоа заеднички јазик околу откупувањето на договорот на легендарниот шпански кошаркар, и тој во наредните неколку дена ќе добие шанса да потпише со еден од тимовите кои се вистинска закана за напад на шампионската титула – Милвоки Бакс.
Можеби најдобрите години на Гасол се далеку зад него, но тимовите од НБА лигата и понатаму го ценат неговото победничко искуство.
Постариот од браќата Гасол веќе се збогуваше со Сан Антонио Спарс и најави дека веќе направил избор дека ќе потпише со Милвоки Бакс откако техничките детали околу раскинувањето на неговиот договор ќе бидат завршени. Тоа значи дека тој, како и неговиот брат Марк, ќе игра во плејофот од Источната конференција.
Досега двајцата браќа беа ривали на Западот, а во само еден месец и двајцата се преселија на Исток.
По Гасол е двоен шампион во НБА лигата, од 2009 и 2011 година, кога со тимот на Лејкерс успеа да ја покори лигата и да се докаже како еден од најдобрите играчи на неговата позиција во последните 20 години. Неговото присуство во Милвоки, макар на клупата, би требало да придонесе многу за овој тим со огромен потенцијал, кој во моментов има најдобар скор во целата лига.
