Рускиот амбасадор во САД, Анатолиј Антонов, е повикан во Москва за консултации „со цел да се проанализира што да се прави и каде се оди во контекст на односите со САД,“ изјавија денеска од руското МНР, откако претседателот Џо Бајден на прашање од новинар „дали Путин е убиец“, одговори потврдно.
На прашањето од водителот Џорџ Стефанопулос, дали тој смета дека Путин е убиец, Бајден одговор „хмм да, мислам дека е“, и истакна дека „тој ќе плати висока цена“ за поткопување на изборите во САД.
Вашингтон по сè изгледа не е загрижен. Прашањата на Стефанопулос најверојатно биле претходно одобрени и претседателот одговараше на нив без двоумење.
-Рековте дека тој немал душа, рече водителот, на што Бајден одговори: „да тоа му го кажав нему (на Путин) и неговиот одговор беше „се разбираме еден со друг“… му реков „те знам тебе и ти ме знаеш мене”, кажа тој за некогашна средба што ја имал со Путин.
Набљудувачите во Вашингтон сметаат дека забелешката на претседателот на САД е најава за нова рунда жестоки санкции против Русија.
Од руското МНР истакнаа дека повлекувањето на амбасадорот е со цел „да се спречи непоправлива деградација во односите со САД“.