Минатата недела беше пронајден мистериозен монолит во Јута, но пред неколку дена исчезна. Сега, метален монолит се појави и во Романија, на ридот Доамнеи во градот Пјатра Неамц.
Монолитот е висок 4 метри, а фотографиите и видеата прикажуваат дека има слична структура со монолитот кој се појави во Јута.
Се наоѓа на само неколку метри од тврдината Петродава Дачијан, добропозната археолошка одредница и најстариот историски споменик во Пјатра Неамц, за кој се верува дека бил уништен од Римјаните.
Романските власти сè уште не знаат кој е одговорен за поставување на овој мистериозен објект кој се наоѓа на приватно земјиштe.
Роксана Јосану, претставничка на управата за културно наследство од Неамц вели дека за да се постави ваква инсталација, потребна е дозвола од министерството за култура.