Фудбал

По наредба на Ибра: Во соблекувалната на Галакси ечи турбофолк

18. јуни 2019 - 13:29 | К.З.

Фудбалерите на Лос Анџелес Галакси се подготвуваат за осминафиналниот натпревар од УС Опен купот против Портланд Тимберс, а најголемата ѕвезда на тимот, Златан Ибрахимовиќ, ја презема диџејската палка и е одговорен за добрата атмосфера во соблекувалната.

Неговиот соиграч Пери Кичен го сними популарниот Ибра како се забавува во соблекувалната слушајќи турбофолк музика од балканските краишта. Видеото подоцна беше објавено и на официјалниот профил на клубот.

Како што дознавме, се работи за песната „Ти си жена за сва времена“ од српскиот турбофолк пејач Милан Динчиќ. Изгледа дека балканската крв работи во Ибрахимовиќ, дури и кога тој е толку далеку од Европа.

Шведскиот напаѓач сезонава одигра 12 натпревари за Галакси, во кои забележа 11 погодоци и три асистенции. Доколку ваквата музика го одржува во добра форма, неговите соиграчи треба да се навикнат на турбофолк звукот во соблекувалната.

Коментирај