По низата брачни проблеми: Сопругата на Руни му забрани да излегува сам

Легендарниот англиски фудбалер Вејн Руни во минатото имаше многу брачни проблеми, а по сето тоа, неговата сопруга Колин му забрани да излегува сам. Смее да излезе само со специјална придружба, пишува Sun.

Колин и Вејн се заедно уште од средношколските денови, а се венчаа по шест години врска. Но, Колин се соочи со низа брачни турбуленции откако славниот фудбалер имаше проблеми со алкохол, но и љубовни афери со други жени.

Според пишувањето на Sun, Колин е веќе „бесна и уморна“ од лудориите на Вејн, па одлучила да му забрани да излегува сам, освен во придружба, со цел да го спаси 13-годишниот брак.

Мајката на четири деца им рекла на блиските пријатели дека не им верува на луѓето кои го опкружуваат и сака да биде држен на око од страна на одговорна возрасна личност, како нејзиниот брат Џо или некој друг во кого има доверба.

„Колин не му верува нему, ниту на луѓето со кои излегува, особено кога станува збор за алкохолот. Таа го доживува како дете кое не треба да се испушти од вид“, вели неименуван извор за Sun.

Документарецот „Rooney“ наскоро ќе биде прикажан, а ќе открие интересни детали и деликатни ситуации од приватниот живот на парот.