Задоволен од резултатите на својата нова серија The Last of Us, HBO им порача на креаторите да започнат со работа на втората сезона.
Компанијата HBO објави дека The Last of Us, нова серија која ги освои срцата на публиката и критиката, ќе добие свое продолжение, односно дека ќе имаме можност да гледаме втора сезона.
Иако HBO ја објави оваа вест по само две епизоди преку својот Twitter профил, не може да се каже дека некого изненади, особено по објавените бројки за гледаност. The Last of Us првиот ден ја погледнале 4,7 милиони луѓе, што значи дека новата серија ја имаше третата најгледана премиера во историјата на HBO, веднаш зад Boardwalk Empire (4,81 милиони), но не толку блиску до серијата House of the Dragon (9,9 милиони).
Сепак, благодарение на критиките на критичарите и позитивните впечатоци од публиката, првата епизода ја гледале повеќе од 20 милиони гледачи до денес, а втората го доживеа најголемиот скок на гледаност во историјата на HBO (22%), бидејќи 5,7 милиони луѓе се приклучиле истиот ден кога беше објавена.
Секако, не треба да се заборави и огромната база на фанови на оригиналната видеоигра, која прво ја видовме на PlayStation 3 конзолите, потоа во Remastered верзијата на PS4, но и како римејк за PlayStation 5, кој ќе се појави и за PC на 3 март.
