Стресот и анксиозноста може да имаат слични симптоми, но постојат неколку разлики кои треба да ги знаете.
Зголемувањето на самосвеста и разбирањето на обрасците на однесување можат да помогнат во намалување на симптоми на стрес и нервоза. Разбирањето на стратегијата за стрес овозможува проактивни, а не реактивни одговори.
Симптомите на стрес и анксиозност можат да изгледаат многу слично, но постојат неколку разлики.
Стресот е поттикнат од надворешен фактор кој општо може да се препознае. На пример, ако ви е дадена обемна задача која мора да ја извршите со рок до утре или ако сте неодамна отпуштени од работа, а имате заостанати сметки за плаќање.
Стресот е вообичаено искуство кое се јавува кога се смета дека задачите се премногу тешки за извршување, анксиозноста е поинтензивна и се јавува кога стресот се потиснува или со него не се управува на соодветен начин.
Симптоми на стрес:
- зголемена раздразливост
- нарушен сон
- намалено ниво на енергија
- промени во дишењето и срцевите отчукувања
- главоболка
- промени во апетитот
- чувство на преоптовареност
На стресот обично не се гледа како пријатно искуство, но промените кои се случуваат во телото всушност и треба да се случат. Симптомите на стрес во основа се вграден систем на активација дизајниран да ве предупреди или заштити.
Промените во нашето дишење, температура или срцеви отчукувања се истите промени кои ги чувствувале и нашите предци кога се соочувале со опасност.
Анксиозноста е внатрешна реакција која се јавува кога стресот не го препознава. За разлика од стресот, анксиозноста има тенденција да се задржи дури и откако мина загриженоста.
Стресот е како настинка, додека анксиозноста е како алергија. Може да имаат слични симптоми, но откако ќе се изборите со настинката, немате ништо. Алергијата, од друга стана, е нешто што доследно треба да се следи.
Симптоми на анксиозност:
- чувство на нервоза
- постојани мисли ориентирани кон иднината или минатото
- нестрпливост, раздразливост
- неможност за концентрација и присутност
- нарушувања во сонот
- болки во стомакот или промени во апетитот
- претерана грижа или потреба за контрола
- потење, забрзано дишење, забрзана работа на срцето
Луѓето ќе доживеат повисоко ниво на стрес и склони се кон развој на анксиозни нарушувања ако нивните основни потреби (сон, исхрана и движење) не се исполнети на соодветен начин.