По смртта на Метју Пери минатата година, фановите на култната серија „Friends“ повикаа целосно да се отстрани сцена од 5-тата епизода од сезоната 7.
Пери е познат на милиони луѓе ширум светот токму по улогата на Чендлер бинг во „Friends“, а фановите на серијата беа особено погодени од веста за неговата смрт.
Да потсетиме, актерот минатата година беше пронајден мртов во када за хидромасажа во својот дом во Лос Анџелес. На обдукцијата било констатирано дека тој починал од акутни ефекти на кетамин, како и од давење.
Токму ова е причината поради која фановите повикуваат да се избрише една сцена од популарната „Friends“. На социјалните мрежи истакнуваат дека на многумина им сцената станала морничава откако била објавена причината за смртта на актерот.
Станува збор за детаљ од епизодата 5 во сезона 7, која се емитуваше во 2000 година. На неа се гледа како Моника и Чендлер се обидуваат да се фотографираат по свршувачката. Чендлер едноставно не може добро да позира за фотографијата, а Моника станува сѐ пофрустрирана.
Потоа вели: „Чендлер, што не е во ред со твоето лице? Оваа фотографија има за цел да каже дека Гелер и Бинг се венчаат, а не локална жена што спасува морон кој се дави“.
Кога фотографот почнува да се смее, Моника му вели: „Еј, немој да му се смееш, тој е мој давеник“.
На социјалните мрежи, некои обожаватели рекоа дека чувствуваат дека шегата сега е малку премногу, имајќи ја предвид причината за смртта на Метју Пери.
„Мора да ја отстранат оваа сцена од серијата. Прилично ја предвидела иднината“, „Не, сега треба да ја отстранат оваа сцена“, „Може ли оваа сцена да биде поморничава“, се дел од коментарите на социјалните мрежи.
