Шефот судискиот оддел при УЕФА, поранешниот италијански судија Роберто Розети, изјави дека има намера да го промени правилото во врска со офсајдите, така што тоа ќе биде повеќе во духот на играта.
Имено, Розети би поттикнат од начинот на кој Франција неодамна го постигна победничкиот гол во финалето на Лигата на нации против Шпанија.
„Вистина е дека во овој случај толкувањето на тој член од правилото е во спротивност со главната поента на правилото, а тоа е да се лиши играчот од предноста што ја стекнал со неговата недозволена позиција“, рече Розети.
За потсетување, шпанскиот дефанзивец Ерик Гарсија сакаше да го пресече додавањето до Килјан Мбапе, кој беше во офсајд, но не успеа во тоа, иако ја допре топката.
Откако Гарсија ја допре топката, позицијата на Мбапе повеќе не се сметаше за офсајд - според сегашните правила, па Французинот имаше право да игра со топката, и постигна гол.
Одлуката на англискиот судија Ентони Тејлор да го признае голот наиде на бројни критики, па УЕФА ќе побара од Меѓународниот комитет за фудбалски правила (ИФАБ) да го подобри толкувањето на правилата за офсајд.
Ќе се направи обид правилото да се приближи кон основната идеја за недозволена позиција и да се прилагоди на фудбалскиот дух, а тоа ќе се направи на следниот состанок на техничко-советодавната група, кој ќе се одржи на 27 октомври.