Американската актерка Гвинет Палтроу (45) и продуцентот Бред Фалчук направиле свршувачка во тајност, по три години врска.
„И двајцата знаеја дека ова ќе се случи и не им беше голема работа бидејќи и двајцата беа во долги бракови претходно. Немаше потреба од брзање“, рече извор близок до двојката за „Us Weekly“.
Засега, двајцата уживаат во врската и не сакаат да зборуваат за свршувачката. Палтроу наводно сака да ја соопшти радосната вест преку нејзината веб-страница Goop.
Славната двојка се запозна во 2014 година на снимањето на серијата „Glee“ во која Фалчук беше продуцент. Двајцата ја криеја врската до септември, 2015 година кога заедно се појавија на премиерата на серијата „Scream Queens“ во Лос Анџелес.
Во едно интервју Фалчук рече дека работите меѓу него и Палтроу се одвиваат одлично и нагласи дека актерката му е голема поддршка во сѐ што прави.
Палтроу беше во брак 11 години со фронтменот на „Колдплеј“ Крис Мартин.
Официјално се разведоа во мај, 2016 година и останаа во добри односи заради децата, 13-годишната Епл и 11-годишниот Моузес.
