Facebook објави дека планира во следните неколку месеци да отвори 20.000 Wi-Fi хотспот локации низ Индија, заедно со индиската мобилна компанија Bharti Airtel.
Facebook веќе има 700 хотспот локации низ четири индиски држави преку други компании. Владата во Индија планира да воведе безжичен интернет во 1.000 села.
Индија е петтата земја што ќе добие Express Wi-Fi по Кенија, Танзанија, Нигерија и Индонезија. Со најновиот проект на Facebook луѓето ќе можат да се регистрираат за дневна, седмична и месечна употреба што ќе чини 10 рупии или 0,15 долари дневно. Просечните приходи на едно семејство се 160 долари.