Стресот нè исцрпува емоционално и физички. Високото ниво на хормонот на стрес, кортизол, може да предизвика најразлични проблеми со здравјето, поради што е важно да научите како полесно да се справувате со стресните ситуации.
Постојат начини кортизолот да го снижите по природен пат. Според психијатарот Даниел Ејмен, зголеменото ниво на кортизол е природен одговор на телото на евентуални закани и чувство на загрозеност. Но, високото ниво на кортизол подолго време може да остави последици по здравјето, во вид на кардиоваскуларни болести или анксиозност.
Друг фактор кој влијае на нивото на кортизол кај жените е нестабилното ниво на естроген.
За да сочувате менталното и физичкото здравје нивото на хормонот на стрес треба да биде во препорачаните граници. Овие начини ќе придонесат за тоа:
1. Вежбање
Редовното вежбање го доведува кортизолот во здрави граници.
2. Медитација
Во студија објавена во Health Psychology се посочува дека со медитација значително се намалува нивото на кортизол.
3. Исхраната
И тоа што јадете влијае на нивото на кортизол. Постојат намирници кои го одржуваат стабилно, како бананите, крушките, црното чоколадо, црн и зелен чај.
4. Спиење
Сонот е еден од клучните фактори за одржување на нивото на кортизол во здрави граници.
5. Смеењето
Постои добра причина зошто се вели дека смеењето е најдобар лек. Смеењето и шегувањето го намалуваат нивото на кортизолот.
6. Музика
Слушањето музика, било која музика, помага да се намали нивото на кортизол, се наведува во студија објавена во PLoS One.