Аталанта и Лајпциг направија голем исчекор кон четвртфиналето во фудбалската Лига на шампиони по победите синоќа во првите дуели од осминафиналето.
Аталанта на домашен терен (во Милано) го совлада тимот на Валенсија со 4:1. Стрелци на головите за домаќините беа Ханс Хатебур (два), Јосип Иличиќ и Ремо Фројлер, додека за гостите погоди Денис Черишев.
Лајпциг беше поуспешен од Тотенхем во Лондон со 1:0.
Мечот го реши Тимо Вернер со гол од пенал постигнат во 58. минута.
Реваншите се закажани за 10 март.