Фудбалерите на Вардар испишаа нова страница во историјата на македонскиот клупски фудбал. Најтрофејниот македонски клуб со две победи во плејофот го елиминира турскиот великан Фенербахче и избори пласман во фазата по групи во Лига Европа.
Победничкото славје на Вардарци не застана на тревникот, па во соблекувалната се пееше „Шампионе, шампионе“.
Фаворитите не победуваа секогаш, особено не во фудбалот, кој поради тоа е „најважната споредна работа“. Фенер по ждрепката беше фаворит со Вардар, но македонскиот првак по скопските 2:0, го фрли турскиот великан на колена и во Истанбул и победи со 2:1.
Вардар во Истанбул одигра тактички зрел натпревар, а одбраната на тимот предводена од голманот Гачевски ги издржа налетите на Фенербахче. Чеде Јаневски уште еднаш реши да му остави на противникот да игра со топката, а голот на Камени да го напаѓа преку контранападите на одличниот Барсегјан.
Јалова беше иницијативата на Фенербахче во првиот дел, а Гачевски беше сигурен при обидите на Топал и Ван Перси. Барсегјан ја имаше најдобрата можност за постигнување на гол во првото полувреме, но неговиот обид заврши во дирекот.
Вториот дел донесе уште посилен притисок на турскиот тим, голот на Вардар „висеше во воздухот“, а Гачевски успеа да го совлада дефанзивецот Нојштетер во 61.минута, кога најдобро се снајде пред голот а македонскиот првак и од пет метри ја проследи топката во мрежата.
Радоста на Фенербахче траеше само седум минути кога Џугари меѓу двајца противнички дефанзивци со малку среќа успеа да го совлада Камени.
По постигнатиот гол започна да паѓа играта на Фенербахе, а вардаровите играчи дополнитело ја зголемија самодовербата.
Барсегјан во финишот ја погоди гредата, а наградата за храбрата игра стигна во 91. минута кога играчот на натпреварот Барсегјан го проигра Глигоров кој рутински го матираше Камени.
