Според едно американско истражување, консумирањето на пет порции темно чоколадо неделно е поврзано со намален ризик од дијабетес тип 2.
Претходните студии покажаа дека луѓето кои јаделе најмалку пет порции неделно од секаков вид чоколадо, каде што една порција е еднаква на стандардната големина на еден ред, имале 10% помала стапка на дијабетес тип 2 во споредба со оние што воопшто не консумирале чоколадо.
Сепак, една студија спроведена на Школата за јавно здравје „ТХ Чен“ при Харвард во Бостон покажа дека луѓето кои јаделе најмалку пет порции темно чоколадо неделно имаат 21% помал ризик од дијабетес тип 2.
За млечното чоколадо не беше утврден помал ризик. Студијата покажа 3% намален ризик од дијабетес тип 2 за секоја дополнителна порција темно чоколадо. Исто така, тестовите, објавени од The BMJ, покажаа дека зголеменото консумирање млеко, но не и темно чоколадо, е поврзано со долгорочно зголемување на телесната тежина.
Чоколадото содржи високо ниво на флаваноли, природно соединение кое се наоѓа во овошјето и зеленчукот за кое се покажало дека го подобрува здравјето на срцето.
„Зголемената потрошувачка на темно чоколадо е поврзана со помал ризик од дијабетес тип 2. Зголемената потрошувачка на млеко, но не и темно чоколадо, е поврзана со долгорочно зголемување на телесната тежина“, вели авторот на студијата Чи Сан.
Флаванолот ,кој е клучната состојка во чоколадото, е всушност многу здрав, но кога се консумира како млечно чоколадо, тој обично бил многу обработен и комбиниран со мноштво нездрави адитиви, шеќери и масти.
Професорката Баукје де Рос од универзитетот во Абердин, Шкотска, наведува дека ова е прва сеопфатна анализа на поврзаноста помеѓу консумирањето чоколадо и дијабетес тип 2. Посебноста на ова истражување е што тие конкретно процениле кој тип на чоколадо е поврзан со ризикот од дијабетес.
„Бидејќи темното чоколадо има многу поголема содржина на какао, тоа значи дека биоактивните соединенија во какаото и темното чоколадо, како што се флаванолите, може да придонесат за намалување на ризикот од дијабетес, можеби со зголемување на чувствителноста на инсулин. Сепак, останува да се утврди дали и како самите флаваноли го намалуваат ризикот од дијабетес дијабетес. Авторите откриле дека консумирањето на млечно чоколадо е поврзано со зголемување на телесната тежина, додека консумацијата на темно чоколадо не е поврзано. Зголемувањето на телесната тежина е важен фактор на ризик за развој на дијабетес тип 2“, вели професорката де Рос.
