Францускиот напаѓач растура во домашната Лиг 1, а аргентинскиот стратег верува дека тој веќе е помеѓу големите ѕверки на фудбалската игра.
Килјан Мбапе и оваа сезона не запира. Во француската лига води на листата на стрелци каде на 23 натпревари има постигнато 18 голови со 6 асистенции, а има и 5 гола и 3 асистенции во Лигата на шампионите.
Новиот тренер на ПСЖ, аргентинскиот стратег Маурисио Почетино, смета дека 22-годишниот Мбапе не е повеќе надежен играч туку е меѓу најдобрите фудбалери на планетава. И не само тоа, туку ако продолжи со истото темпо наскоро би требало да го добие признанието за најдобар, надминувајќи ги Лео Меси и Кристијано Роналдо.
„Тој има потенцијал да ги надмине. Не ветувам дека може да ита побрзо од ова. Според мене, тој веќе е еден од најдобрите на светот“, вели Почетино за AFP.
„Но, ќе му биде потребно време да си го набилда своето CV и да го добиеме признанието кое и го заслужува и кое еден ден и ќе го добие“, одлучен е Аргентинецот.
Наголемо се зборува дека Мбапе наскоро ќе го напушти ПСЖ. Неговиот договор е до јуни 2022 година, а интерес има од Барселона, Реал Мадрид и Манчестер Сити.