Младиот фудбалер во петокот добил церебрална аневризма додека тренирал дома, а денеска починал во болница.
Андреа Риналди се вика новата жртва во светот фудбалот. Продукт на академијата на Аталанта, играше во средниот ред и на 23 јуни требаше да полни 20 години.
Како и сите италијански фудбалери, Риналди тренирал дома. Во петокот, додека тренирал во својот дом во Черменате во околината на Комо, добил церебрална аневризма (пукање на крвен сад во мозокот) по што веднаш бил префрлен во болница во Варезе. Утринава починал.
Риналди од 2018 беше праќан по позајмици. Играпе за Имолезе, Меѕолара и сезонава за Лењано. Претходно беше дек од младинските категории на Аталанта за која не заигра на сениорско ниво.