Пејачот на групата „Парни ваљак“ почина на 67-годишна возраст.
Аки Рахимовски почина денеска, а тажната вест ја потврди и неговиот менаџер Дамир Осредечки.
„Утрово му се слоши, заврши во болницата во Ново Место, пред еден час ми рекоа дека починал, причината за смртта сѐ уште не ја знаеме“, рече тој, а пренесе Вечерњи лист.
Александар Аки Рахимовски е роден во Ниш, Југославија, на 5 јуни 1955 година. Пејачот со македонско-хрватско потекло е најпознат по ангажманот во рок составот од Загреб, „Парни ваљак“.
Роден е во Ниш, а за брзо време се преселува во Скопје. Неговиот татко бил музички професор, па седумгодишна возраст Аки почнал да учи во музичко училиште за клавир и пеење.
Како тинејџер бил член на неколку состави меѓу кои се групите „Вакуум“, „Крвна браќа“ и „Тор“ со кој настапил на фестивалот во Загреб во 1975 година. Во соработка со менаџерот Владимир Михаљек - Мих го формираат првиот состав на „Парни ваљак“.
