Холивудскиот актер Џон Траволта соопшти дека неговата сопруга, актерката Кели Престон, починала по боледување од рак на дојка.
„Со тешко срце ве известувам дека мојата прекрасна сопруга Кели ја изгуби двегодишната битка со ракот на дојка. Храбро се бореше, со љубовта и поддршката на многу луѓе околу неа“, напиша Траволта на Instagram.
Кели Престон (57) одлучи да не зборува јавно за дијагнозата и болеста.
Џон и Кели беа во брак повеќе од 28 години. Имаа три деца – Ела (20), Бенџамин (9) и синот Џет, кој почина во 2009 година.
Актерката ќе остане запаметена по улогите во „Jerry Maguire“ (1996) покрај Том Круз, во комедијата „Twins“ (1988) каде играше покрај Дени Девито и Арнолд Шварценегер. Играше и во филмови заедно со сопругот, како „Battlefield Earth“ од 2000 година и „Gotti“ од 2018.
Кели Престон играше и во спотот за песната „She Will Be Loved“ на групата „Марун 5“ од 2004 година.
