Кирсти Али, актерката позната по улогите во „Cheers“, „Veronica's Closet“ и „Look Who's Talking“, почина во 72 година од животот.
Нејзината смрт ја потврдија членови на семејството, како и нејзиниот менаџер.
Семејството откри дека неодамна ѝ било дијагностицирано дека боледува од канцер, па актерката се лекувала на клиника во Флорида.
„До сите наши пријатели низ светот. Со тага ве известуваме дека нашата неверојатна и сакана мајка почина по битката со ракот, кој беше неодамна откриен. Таа цело време беше со семејството и се бореше со сета сила. Колку и да беше легендарна на екранот, таа беше уште поневеројатна мајка и баба“, се вели во дел од соопштението.
Џон Траволта, нејзин пријател и колега од „Look Who’s Talking“ исто така ѝ оддаде почит.
„Те сакам Кирсти. Знам дека ќе се видиме повторно“, напиша тој.
Актерката има посвоено две деца, син и ќерка, додека беше во брак со актерот Паркер Стивенсон.