Познатата филмска и театарска актерка Мира Фурлан почина на 66-годишна возраст, објавено е на нејзиниот профил на Twitter.
Таа починала во средата, 20 јануари, но информацијата беше објавена денеска.
Веста ја потврди и нејзиниот пријател, авторот на американската научно-фантастична серија „Babylon 5“, Мајкл Страчински, во која Фурлан ја играше амбасадорката Минбари Делен.
Тој додаде дека веќе извесно време знаел дека нејзиното здравје се влошило, но дека се надевале на најдоброто.
Фурлан е родена во Загреб на 7 септември 1955 година.
Taa беше истакната актерка во Хрватскиот народен театар во Загреб, но во 1980-тите стана една од водечките хрватски и југословенски филмски актерки.
Живееше во САД од раните 90-ти години на минатиот век, каде постигна светска слава за улогите во популарните ТВ серии „Babylon 5“ и „Lost“.