Славниот британски актер Ијам Холм, познат по улогата на Билбо Багинс во „Lord of the Rings“ почина на 88 години, пренесе BBC.
Веста за смртта ја потврди неговиот агент.
„Со голема тага потврдуваме дека актерот сер Ијан Холм почина утрово на возраст од 88 години, стои во изјавата за медиумите. „Тој почина спокојно во болница, опкружен со семејството и пријателите“, стои во изјавата.
Актерот долго време боледуваше од Паркинсова болест. Во текот на кариерата Холм освои бројни престижни филмски и театарски награди, но на крајот го напушти театарот поради став од настапи пред бројна публика, нешто со кое не можеше да се носи.
Легендарна е и неговата изведба во филмот „Alien“ на Ридли Скот. Новите генерации ги освои со улогата на Билбо во „Lord of the Rings“ и „The Hobbit“. Други улоги по кои е познат се во филмовите „The Fifth Element“, „Ratatouille“, „Chariots of Fire“ и други. Актерската кариера ја заврши во 2014 година.
Роден е во 1931 година во Есекс, беше женет 4 пати. Првите три брака завршија со развод. Зад себе остави сопруга и пет деца, три ќерки и два сина.
