Утрово, неколку часа пред првиот настап на Македонија на ракометниот Мундијал, тажна вест ја потресе македонската спортска јавност. На 51-годишна возраст почина македонскиот репрезентативец и тренер Александар Јовиќ.
Александар Јовиќ е роден во Бјелина, Босна и Херцеговина, на 24 септември 1973 година. Во кариерата играше во најголемите клубови во земјава: Борец, Јафа Промет, Вардар, Металург, Пелистер. Играше со македонската репрезентација на две големи натпреварувања: Светското првенство во 2009 и Европското првенство во 2012 година.
Последните месеци Јовиќ беше тренер на Пролет. Претходно во кариерата беше тренер на Металург, Металург 2, Пелистер и Пелистер 2.
Како тренер на Пелистер ја освои шампионската титула во домашното првенство, прва по 2006 година.
