Свет

Почина Дејвид Рокфелер, милијардерот кој сакаше да живее 200 години

20. март 2017 - 20:07 | Б.С.Б.

Дејвид Рокфелер, член на последната генерација на светски познатото семејство Рокфелер, почина во сон на возраст од 101 година, во својот дом во Њујорк.

Дејвид беше шесто дете на Џон Д.Рокфелер Џуниор и внук на познатиот соосновач на компанијата Standard Oil, славниот Џон Д. Рокфелер.

Милијардерот Дејвид Рокфелер ќе остане запаметен по тоа што беше подготвен да презема радикални мери за да остане жив. Освен што остави богатство од 3 милијарди долари, славниот милијардер во минатото имаше доволно пари за да ги заобиколи листите на чекање и да си овозможи дури 7 трансплантации на срце.

Токму овие хируршки зафати му донесоа долговечност на милијардерот кој почина како најстар член на семејството Рокфелер. Првата трансплантација била извршена во 1976 година откако доживеал срцев удар среде сообраќајна несреќа. Во следните четири децении на секои шест до седум години му  е пресадувано ново срце, а последната трансплантација е извршена во 2016 година. Дејвид во шега тогаш рекол дека планира да живее 200 години.

Досега ниту еден човек не успеал да го продолжи животот на овој начин, а Дејвид Рокфелер влезе во историјата како личност со најголем број трансплантации на срце. Покрај тоа имал и две трансплантации на бубрези, една во 1988 година, а втората во 2004 година.

Во 2015 година, кога го одбележуваше својот 100 роденден, Рокфелер подари 404 хектари земја на националниот парк во Мејн.

Коментирај