Легендата на светскиот фудбал почина денеска како последица од срцев удар, две недели откако беше пуштен од болница каде се лекуваше од крварење во мозокот.
Фудбалскиот свет е во шок денес откако еден од најдобрите играчи на сите времиња ненадејно почина, 26 дена откако го прослави 60-тиот роденден.
На 11-ти месецов беше пуштен од болница откако му беше извршена операција за отстранување на крв од мозокот.
Тој и порано имаше проблеми со здравјето, а во 2000 година за малку избегна смрт кога поради последици од консумирањето кокаин срцето за малку не му застана.
Марадона на својата Аргентина ѝ ја донесе титулата светски шампион на Мундијалот 1986 година во Мексико, а имаше бурна кариера играјќи за Архентинос Жуниорс, Бока Жуниорс, Барселона, Наполи, Севиља и Њуел'с Олд Бојс.
По завршувањето на кариерата беше тренер. Како селектор ја водеше Аргентина на Мундијалот 2010 во Јужна Африка, а годинава беше на чело за клубот Химнасија де Ла Плата.