Уметникот Колин Кантвел, кој дизајнираше многу вселенски летала за филмовите „Star Wars“, почина на 91-годишна возраст.
Кантвел најпрво ја претстави својата работа во научно-фантастичниот филм на Стенли Кјубрик од 1968 година „2001: A Space Odyssey“, а подоцна беше ангажиран од креаторот на „Star Wars“ Џорџ Лукас да го дизајнира и прототипот на вселенските летала Death Star, X-Wing, TIE fighter и Imperial Star Destroyer.
Кантвел исто така го осмисли и оригиналниот дизајн на вселенското летало Millennium Falcon.
Роден во Колорадо во 1932 година, се стекнал со диплома за анимација пред да се посвети на студирањето архитектура. За време на „вселенската трка“ во 60-тите меѓу САД и Русија, Кантвел работеше во лабораторијата за млазен погон на НАСА и им помагаше на Американците подобро да ги разберат летовите. Соработуваше со ТВ-новинарот Волтер Кронкајт за време на историското емитување на слетувањето на Месечината во 1969 година и јанвоспостави врската меѓу него и астронаутот.
Неговиот интерес за архитектура и вселена му ја отвори вратата во Холивуд каде што работеше на специјални фотографски ефекти за филмот „2001: A Space Odyssey“ каде помогна да се создадат драматичните вселенски сцена.
Режисерот на „Star Wars“ филмовите, Џорџ Лукас, потоа го ангажираше заедно со други дизајнери како Ралф МекКуари за да ги создаде моделите на авиони за првиот филм од 1977 година.