Легендарниот австралиски гитарист Малколм Јанг, кој беше член на рок групата AC/DC, почина денеска на 64-годишна возраст.
Малколм Јанг беше основач и гитарист на легендарниот рок состав AC/DC, во кого членуваше заедно со неговиот брат, Ангус Јанг.
Познат по неговите моќни рифови, тој, заедно со останатите членови на групата, се издигна до светска слава преку AC/DC, синонимот за рок музика на многу љубители на овој жанр.
Последните три години тој боледуваше од деменција. Јанг почина во неговиот дом, покрај семејството.
„Со голема посветеност тој беше водечката сила на овој бенд“, пишуваше на официјалната страница на AC/DC.
