Почина Јохан Нескенс, еден од најдобрите фудбалери од минатиот век

На 73-годишна возраст почина Јохан Нескенс, еден од најдобрите фудбалери на XX век.

Светско признание и слава стекна играјќи за холандската репрезентација, како и за клубовите Барселона и Ајакс.

Признаен како еден од најголемите фудбалери на XX век, Нескенс, заедно со Јохан Кројф, беше дел од златната генерација на Ајакс која освои 3 европски Куп на шампиони на почетокот на 70-тите, а исто така беше член на холандската репрезентација која стигна до две последователни финалиња на Светско првенство, во 1974 во Западна Германија и во 1978 година во Аргентина, двапати губејќи од земјите домаќини.

„Есенски ден кој започна сончево, додека не добивме порака од Алжир дека почина Јохан Нескенс. Јохан остана во Алжир поради проектот на нашата алијанса. Зборовите се несоодветни за оваа огромна, ненадејна загуба. Нашите мисли се со неговата сопруга Марлис, неговите деца, семејството и пријателите. Светот се збогува не само со надарениот спортист, туку особено од посветен, енергичен и прекрасен човек“, се вели на веб-страницата на Кралската фудбалска федерација на Холандија.