Почина 24-годишниот А.С. кој се здоби со тешки изгореници од четврт степен во пожарот што вчера избувна во станбена зграда во Тетово околу 11 часот.
Момчето од вчера до денес било ставено на респираторен апарат на Клиниката за анестезија, реанимација и интензивна нега.
И покрај третманот, лекарите велат дека поради длабочината на изгорениците била нанесена голема штета на многу негови витални органи.
Вчерашниот пожар го опфати станот на улицата „Димо Гавровски“ во Тетово каде што живеел сега починатиот А.С.
Во интерно одделение вчера биле примени шест жени и четворица мажи со инхалаторно труење од чадот, кои по симптоматска терапија и опсервација беа пуштени на домашно лекување.
Пожарот бил предизвикан од експлозија на плинска боца. Од тетовската пожарникарска единица информираат дека интервенирале со 10 пожарникари и три возила.