Кучето, кое пред само две недели на натпреварувањето во Сан Франциско беше прогласено за најгрдо на светот, сега почина во деветтата година од животот.
Англискиот булдог, кој е во сопственост на Меган Брејнард од Минесота, наеднаш почина во сон, откри семејството во разговор за медиумите.
„За За остана да спие во домот на мојот татко. Кога тој утрово се разбудил ја пронашол мртва“, вели Меган.
Нејзината сопственичка откри колку и е тешко да се носи со загубата на своето домашно милениче.
„И понатаму сум во шок, како и кога победи на натпреварувањето за најгрдо куче во светот. Тоа беше само пред две недели и јас и понатаму не можам да верувам“, вели таа.
„За За од секогаш беше борец. Таа првите пет години од животот ги помина во азил за кучиња во Мисури, пред ние да ја вдомиме“, раскажува Меган.
