Британско-австралискиот актер Хју Киз Бирн почина на 74-годишна возраст. Во текот на кариерата сними над 50 серии и филмови, а во историјата замина запомнат како култен негативец во „Mad Max“ франшизата.
Во далечната 1979 година, во првиот дистописки трилер на Џорџ Милер, тогаш 33-годишниот Бирн ја толкуваше улогата на морничав лидер на мото банда.
Обожавателите на „Mad Max“ беа одушевени кога го препознаа во 2015 година како страшниот Џо во „Mad Max: Fury Road“, последното продолжение на блокбастерот.
Од починатиот актер се простија многу колеги со кои соработуваше низ годините. Тоа го направи и Шарлиз Терон, која во последниот „Mad Max“ филм ја толкуваше улогата на Фјуриоса.
„Почивај во мир, Хју. Чудесно е како беше способен толку добро да играш негативци кога беше толку прекрасна душа. Многу ќе ни недостигаш на сите“, напиша актерката, покрај фотографија од филмскиот сет.