Англискиот актер Дејв Проус, најпознат по улогата на Дарт Вејдер во трилогијата „Star Wars“, почина во осумдесет и петтата година од животот, пренесе BBC.
Неговиот агент Томас Бовингтон изјави дека актерот починал по кратко боледување и дека ова е тажен настан за милиони обожаватели низ светот. Проус, бодибилдер од Бристол, беше одбран за улогата на Вејдер поради импозантната фигура, иако гласот го позајмуваше американскиот актер Џејмс Ерл Џоунс.
„Нека биде силата со него“, изјави Бовингтон и додаде дека иако Проус бил познат по улогата на негативец, во реалниот живот тој бил херој за сите кои го познавале.
Проус во оваа улога се појави во три продолженија поради неговата фигура, беше висок 1,98 метри. Неговите колеги и обожаватели се простија од актерот на социјалните мрежи, опишувајќи го како добар човек и актер кој ги многу ги сакал своите обожаватели.
За време на натпреварите во бодибилдинг, се спријателил со неговите ривали Арнолд Шварценегер и Лу Ферињо, многу порано пред тие да станат славни личности. Пред да почне со актерската кариера, го подготвувал актерот Кристофер Рив за улогата на Супермен, како негов личен тренер.