Легендарната чешка тенисерка Јана Новотна почина на 50 – годишна возраст после долга и тешка битка со ракот.
Новотна врвот на својата кариера го доживеа во 1998 година, кога го освои Вимблдон со победата над Француската тенисерка Натали Този во финалето.
Покрај тоа, освои и 16 Гренд Слем турнири во двојки – четири пати го освои Вимблдон, по три пати Ролан Гарос и УС Опен, два пати Австралиан Опен.
Освои и четири титули во мешани двојки. Претходно два пати беше поразена во финалето на најголемиот турнир на светот, 1993 и 1997 година.
Ги освои срцата на многу љубители на овој спорт поради емотивните реакции после поразот од Штефи Граф во Лондон пред 24 години.
Чешката тенисерка беше позната по својата сервис и волеј игра, единствена во нејзината генерација, а во текот на кариерата најдобриот пласман и беше второто место на WTA листата.
Освои 24 WTA титули за 14 години, со уште 76 титули во двојки, како и две Олимписки сребра во двојки и една бронза во сингл конкуренција.
Со репрезентацијата на Чешка дојде до титула на Фед купот во 1998 година.
