За време на гаснење пожар во Скопје на пожарникарот Г.Ј. му се слошило и со возило на Итната помош бил пренесен во болница. По неколку часа 47-годишниот пожарникар починал.
Вчера околу 16:30 часот во Скопје, во непосредна близина на транзитниот центар за странци е опожарена поголема површина на сува трева и неколку дрвени куќички (напуштени гулабарници), додека во делот на транзитниот центар е зафатена помала површина на сува трева.
Пожарот е изгаснат од екипи на Противпожарната единица. При гаснењето на пожарот на пожарникарот Г.Ј.(47) од Скопје му се слошило и со возило на Итна медицинска помош бил пренесен во Комплекс клиники „Мајка Тереза" за укажување на лекарска помош. Во 18:30 часот Г.Ј. починал.
По наредба на Јавен обвинител телото на починатиот е предадено на обдукција.
