На 99-годишна возраст почина принцот Филип, сопругот на британската кралица Елизабета Втора, соопшти кралското семејство.
„Со голема тага нејзиното височество кралицата ја соопшти веста за смртта на нејзиниот сакан сопруг, неговото височество принцот Филип, војводата од Единбург. Тој почина утрово во замокот Виндзор“, стои во објавата на Twitter.
Филип и Елизабета беа во брак од 1947 година. Заедно имаат четири деца, осум внуци и девет правнуци.
Принцот се повлече од јавноста во 2017 година. Роден е на грчкиот остров Крф, на 10 јуни 1921 година.
