Актерот Рој Дотрис кој играше во бројни филмови и серии, вклчувајќи ја и популарната серија „Game of Thrones“, почина во својот дом во Лондон во понеделникот на 94 години.
Според соопштението на неговото семејство, актерот „починал мирно“ окружен со најблиските.
Дотрис водеше возбудлив живот. Во втората светска војна и служеше на Кралските воздушни сили и го преживеа логорот на воени заробеници во Германија.
Подоцна работеше во радио, театар, телевизија и филм, притоа освојувајќи Тони и BAFTA награди за најдобар актер.
Меѓу многуте истакнати улоги, посебно се истакна во хит филмот „Amadeus“ со улогата Леополд Моцарт и во серијата „Game of Thrones“ каде го глумеше алхемичарот Хејлин.
Од серијата мораше да се повлече поради здравствени проблеми, па улогата му припадна на Џулијан Гловер.
Иако не доби голема улога во оваа серија на HBO, нешто порано ја направил радио – нарацијата за аудио – книгата „Песна на мраз и огин“ од Џорџ Р. Р. Мартин, по која и беше правена оваа популарна серија.
Дотрис инаку го држи светскиот рекорд по најголем број на ликови на кои еден човек го позајмувал гласот во аудио – книга. Според Гиносвата книга на книга рекорди, овој актер во делото на Мартин зборува во име на 224 ликови.
